Til hamingju með listann!!

Til hamingju Framsóknarmenn í Suðurkjördæmi með frábæran lista fyrir kosningarnar í vor. Þetta er góður listi og til alls líklegur.  Kosið var um tvær tillögur að listum á kjördæmisþingi í dag og þessi varð ofan á. Lýðræðislegt??  Já, ég tel það.

Helga Sigrún Harðardóttir í 3. sæti hjá Framsóknarflokknum

Það hækka fleiri

Já, svona er nú þessi bransi það hækkar allt og það oftast um áramót. En það er ekki bara Eimskip sem er að hækka flutningsgjöldin því Samskip hafa líka tilkynnt hækkun á landflutningum frá 1.febrúar og um 5%.  Þannig að þar er nú hækkunin meiri.  

Eimskip hækkar gjaldskrá

Hvernig er eftirlitið??

Já það eru ótrúlegustu hlutir sem gerast.  Burt séð frá góðum árangri lögreglunnar við að stoppa þennan akstur er önnur spurning sem vaknar.  Hvernig er þetta hægt??  Að fyrrverandi starfsmaður Samskipa geti farið í gegnum allt eftirlit inn í bílaport þar sem geymdar eru ótollafgreiddar bifreiðar og tekið hana traustataki og ekið á brott.  Og bíllinn geymdur með lyklana í!!  Mér finnst aðalmálið í þessari frétt snúa að gæslu og eftirliti Samskipa, hvernig er þetta hægt??  Gaman væri að spyrja þá þeirrar spurningar.

Vörubíll stöðvaður eftir ofsaakstur

Hart barist

Það eru svo mikil átök þarna að það er spurning hvort fundargestir um helgina verði ekki að vera í slátrarasvuntunum og með kutana vel brýnda!!!!

„Ósannindum um borgarstjórnarflokk Frjálslyndra mótmælt“

Alveg ótrúlegt

Það er alveg ótrúelgt ef það endar svo að ríkið situr uppi með kostnaðinn við þetta strand.  Hvernig má það vera að hægt sé að komast í kringum lög á þennann hátt?  Og hver ber ábyrgð á því ef lagasetningar er svo vitlausar að þetta sé hægt??

Borga ekki meira en 74 milljónir kr. fyrir björgun skips

Valgerður og Ingibjörg Sólrún

Það er alveg merkilegt með þessar konur tvær, Ingibjörgu Sólrúnu og Valgerði Sverrisdóttur, að aftur og aftur byrja þær á þessari Evru umræðu sinni.  Það hefur marg oft komið fram að til að geta tekið upp Evruna verðum við fyrst að ganga í ESB.  Þessar konur tvær virðast bara ekki geta skilið það.  Og þær eru ekki einu sinni í sama flokki.  En kannski kemur þetta bara ekkert flokkapólitík við og þær tvær kannski eru bara eins og þær eru.  En ég held að það verði einhver að fara að koma vitinu fyrir þær og koma þeim í skilning um að þetta er ekki hægt.

ESB telur þjóðir ekki geta tekið upp evru án aðildar að sambandinu

Fasteignagjöld

Var að horfa á fréttirnar á RUV áðan og sá þar frétt um fasteignagjöld og aðra skatta sveitarfélaga.  Var gaman að sjá að eitt fjögurra sveitarfélaga á landinu sem lækkaði fasteignaskatta í ár var Sveitarfélagið Árborg og eina sveitarfélagið sem hækkaði ekki sorphirðugjald.  En á Ísafirði var það hækkað um rúmlega 40%.  Eftir þessa frétt fór ég að hugsa um umræður sem ég á stundum við fólk eftir áramót varðandi fasteignaskatta.  Þannig hefur það verið undanfarin ár að Fasteignamat Ríkisins hefur árlega hækkað mat sitt, misjafnlega mikið á milli landshluta og svæða.  Í Árborg hefur þetta hækkað mjög mikið undanfarin ár og stundum um tugi prósenta.  Þó sveitarfélögin haldi prósentu álagningu óbreyttri þá að sjálfsögðu hækka gjöldin á eigendur húsnæðisins.  Mörgum húseigendanum þykir þetta ekki réttlátt og telur oft að sveitarfélögin séu þarna að seilast of djúpt í vasa sína til að ná í meiri tekjur og auka álögur á eigendur.  Það getur verið að vissu leyti rétt og eina leiðin til að auka ekki álögurnar er þá að lækka álagningarprósentuna.  En hvað fær húseigandinn við þetta? Fær hann ekki verðmætara húsnæði?  Ef hann býr á svæði þar sem er mikil þensla, mikil fjölgun íbúa og allir vilja búa þar, þá verður húsnæði eftirsóttara og verðið hækkar.  Býr þá viðkomandi ekki í verðmætari eign og á þá meiri verðmæti?  Það verður ekki bæði sleppt og haldið og þannig er það bara að þetta helst í hendur.  Eign á betri stað, hærra fasteignamat, hærra brunabótamat og hærri fasteignaskattur nema sveitarfélagið lækkir prósentuna.

Virðisaukaskattsbreyting 1.mars

Var að hlusta á útvarpstöðvarnar í dag þar sem rætt var um breytingar á matvælaverði og lækkun þess 1.mars, við breytingu virðisaukaskatti.  Kallaðir voru til umræðunnar fulltrúar heildsala og smásala.  Sem fyrrverandi stafsmaður í verslunargeiranum gat ég ekki annað en brosað út í annað við að heyra í þeim.  Fulltrui heildsala sagði að allar tilkynntar hækkanir þeirra væru nauðsynlegar og rökstuddar góðum rökum, fulltrúi smásala sagði að allir yrðu að leggjast á árarnar til að matvælaverð lækkaði 1.mars.  Þegar upp var staðið voru þeir alveg sammála.  Heildsalinn þarf að hækka vörurnar og smásalinn líka, en samt myndi matvælaverð lækka 1.mars.  Þetta er allt satt og rétt en hvað verður verðið búið að hækka mikið þegar það lækkar aftur??  Það fer alveg eins og ég sagði í skrifum mínum fyrr í dag um fréttatilkynningu frá SVÞ, sanniði til!

SKiptir engu máli!

Sem fyrrverandi starfsmaður í matvörugeiranum get ég ekki annað en hlegið að svona fréttatilkynningu frá SVÞ.  Það er alveg sama hvað þeir ætla sér að fylgjast með og fara í aðgerðir þær skila engu.  Þeir aðilar sem vilja ná fram hækkun vöru sinnar og aukinni álagningu gera það ef þeir vilja.  Hver ætlar að standa upp og mótmæla þegar frameiðendur og innflytjendur tilkynna um hækkanir á vöru sinni?  Hver getur rengt rök þeirra?  Enginn.  Þeir hafa upplýsingar um forsendur hækkunarinnar og þeir þurfa ekkert að láta hana af hendi.  Hver ætlar að rengja smásalann þegar hann hækkar vöru sína?  Hann getur komið með fullt af rökum, hækkað innkaupsverð, launahækkanir, hækkanir á aðkeyptri þjónustu, hækkandi húsnæðiskostnaði ofl. ofl.  Hann bara gerir það sem hann vill.  Ef að allir hækka vörur sínar hvað ætla þá neytendur að gera?  Hunsa þá alla og versla í matinn hvar??  Þegar allar verða búnir að hækka verðin sín verður bara áfram sama bil á milli verslanakeðja og neytandinn verður bara að kyngja því að þurfa að kaupa í matinn af þeim sem á markaðnum eru.

Afar mikilvægt að koma í veg fyrir verðhækkanir á matvöru

Virkjanir

Já, Bjarni frambjóðandi hann kann að ná til fólks og vekja á sér athygli.  En þetta málefni sem hann vakti athygli á er nauðsynlegt að sé rætt og það er ótrúlegt að Landsvirkjun skuli alltaf hafa það þannig að vera komin af stað með mál og útboð án þess að klára sína heimavinnu.  Afhverju eru þeir ekki búnir að semja við bændur og landeigendur, kynna málið og annað sem til þarf?  Er nema von að þeir fái oft alla á móti sér með svona vinnubrögðum.  Þessi vinnubrögð eru einmitt til þess fallinn að koma kerkju í fólk og fá það á móti sér.  Ég veit ekki til þess að Landsvirkjum megi gera það sem henni detttur í hug þó þeir hafi haldið það í gegnum tíðina.  Nú hefur fólk betra tækifæri til að koma skoðun sinni á framfæri og liggur ekki á skoðnunum sínum.

Fjölmenni á útifundi við Urriðafoss