Hellisheiðin!!

Enn einn áreksturinn á Hellisheiði!  Hvenær ætla ráðamenn þessarar þjóðar að gera eitthvað í umferðaröryggismálum Hellisheiðar.  Tvær akreinar í báðar áttir, aðskildar, hefðu komið í veg fyrir þennan árekstur. Áreksturinn var harður og kannski eigum við eftir að heyra í fréttum á morgun að afleiðingar hans hafi verið alvarlegri en við höldum.  Kannski enn eitt banaslysið?  Það þarf víða að gera eitthvað í þjóðvegakerfinu, en sú umferð sem er orðin um þennan veg er komin í sama magn eða meira og var þegar byrjað var á lagfæringum og tvöföldun Reykjanesbrautar, gleymum því ekki.  Hvað þurfa margir að farast á þessari leið áður en eitthvað verður gert?

Engan sakaði í hörðum árekstri á Hellisheiði

Vonbrigði Þórunnar Jónu.

Gott mál að ná fram þessari lækkun úr því sem komið var með þrjá bæjarstjóra á launum.  En ótrúlegur útúrsnúningur oddvita D lista, Þórunnar Jónu, í bókun á fundi bæjarráðs Árborgar, í morgun. (Arborg.is)  Þar skilur hún ekki þegar talað er um laun bæjarstjóra á síðasta "kjörtímabili" og  laun "síðasta" bæjarstjóra.  Það er bara sitthvor aðilinn.  Telur því að Ragnheiður sé á sömu launum og Stefanía Katrín var á.  En það er ekki rétt og ætti hún því að skoða málið betur.

Laun og bifreiðakostnaður bæjarstjóra lækka um 350 þúsund í Árborg

Áfram Stefán!

Það er augljóst að nýr lögreglustjóri ætlar að taka starf sitt alvarlega.  Hann ætlar að vera sýnilegur, nú með því að aka um á merktum bíl.  Mér finnst hann fara vel af stað og þeir sem héldu að ganga hans um miðbæinn á fyrsta vinnudegi væri einhver sýndarmennska hljóta að endurskoða hug sinn.  Ég tel að lögreglan hafi virkilega sýnt það með því að birta myndir úr öryggismyndavélum við Garðastræti, sem leiddu til þess að árásarmenn gáfu sig fram.  Hver veit hvort þeir hefðu náðst ef þær hefðu ekki verið birtar?  Á eitthvað að vera að hlífa mönnum sem fremja svona verknað?  Það tel ég ekki og mér finnst að það eigi að nota allt sem hægt er til að koma upp um svona verknað.  Áfram Stefán!!

Lögreglustjórinn á höfuðborgarsvæðinu mun aka á merktum bíl